久別樂壇多時嘅日本女星松浦亞彌,曾經以Morning娘師妹身份走紅,2013年終於同拍拖12年嘅w-inds.主音橘慶太拉埋天窗,15年底更誕下千金,組織幸福家庭。
二人可算係圈中公認長情嘅模範夫妻,橘慶太負起家中經濟支柱職責,婚後仍偕w-inds.隊友巡迴開騷養家,30歲嘅松浦亞彌近年甚少公開露面,最近有傳佢決定復出,日本雜誌《女性自身》更追訪深居簡出嘅松浦亞彌,當時佢正湊住囡囡,外型方面就越見成熟,佢對於記者單刀直入問到是否正籌備回歸樂壇感到難以招架,但仍保持笑容叫記者問事務所,當記者問到係咪老公慶太會為佢復出作寫歌時,松浦亞彌即苦笑:「好厲害呀!消息好靈通。」不過佢就自言好享受目前嘅退隱生活,自己點都會以湊女及支持丈夫為大前題,強調對唱歌已興趣不大,但當再想唱歌,佢會慢慢再考慮。對於松浦亞彌回歸報道,其事務所發言人就否認,表示十畫都未有一撇喎!... |